Diktbok | I tilfelle du treng det - Kristin Straume

Den tredje, grå diktboka til berrekristin, Kristin Straume, heiter «I tilfelle du treng det». Her finn du små og ærlege dikt i kjend stil om kvardag og helg, vår og haust, motstand og aksept, om å vera åleine og å vera ilag. Dei ulike årstidene rammar inn gjenkjennbare tekstar som kan gje meining for fleire i ulike livssituasjonar og aldrar. Der den forrige, svarte boka var «nede i dalen», kan nok lesaren finna vegen opp igjen frå dalen i denne boka, litt klokare og meir erfaren. Boka kan vera ei vakker gåvebok for eksempel til nokon som har vore gjennom krevjande tider, for å bearbeida og koma seg vidare. Boka er solid og gjennomtenkt utforma, kvadratisk (15*15 cm) med kvalitetsark inni og foliert omslag utanpå, som gjer at det kan følast litt som utsida er av hud når du held ho i hendene.  Boka vart gjeve ut i 2021, og inneheld dikt som dette:

Du skjønar ikkje

kor bra du er

kanskje det er difor

du er ekstra bra

 ___________________________

Eg vil ikkje leva

lukkeleg alle mine dagar

då finst eg kun

i eit eventyr

Eg vil leva

alle mine dagar

dei lyse og dei mørke

og dei mange grå

Eg vil leva

Kundetilbakemelding: 

Har gitt den grå i gåve til fleire, og alle vart så glad og les den ofte ❤️ Dikta treff så godt ❤️ 

-Laila (51)

Alt du skriv er så relevant. Brukar dikta dine i dei fleste samanhengar. Noko til fødselsdagar, til oppmuntring om eg ser nokon treng det og ofte les eg bare i bøkene dine for å trøste meg sjølv i ein hektisk kvardag <3

-Åse Lena (51)